Entre loron 7 no 11 fulan-setembru, Timor-Leste Studies Association – Portugal organiza Kolókiu Internasionál TLSAPT2020 Timor-Leste: Rai-kotun no Raiklaran, ho apoiu husi Centro de Estudos Sociais (Universidade de Coimbra), Associação Ibero-Americana de Estudos do Sudeste Asiático, Universidade Aberta, no ho parseria husi instituisaun sira iha Timor-Leste.
Ida-ne’e hanesan eventu online ida-ne’ebé realiza iha plataforma moodle husi Universidade Aberta, ho partisipante inskritu sira husi fatin. Iha Timor-Leste, sesaun online sira transmitida ho direta husi Díli, ho espasu vizionamentu nakloke ba públiku liuhosi instituisaun parseria sira — Universidade Nacional Timor Lorosa’e, Centro Cultural Português, Centro Nacional Chega!, Human Rights Centre (UNTL), Fundação Oriente —, iha-ne’ebé liuhosi oradór balun aprezenta ninia komunikasaun sira prezensialmente.
Oradór prinsipál sira husi sesaun plenária maka eis-Prezidente Timor-Leste nian no Nobel Pás José Ramos-Horta (sesaun abertura nian); eskritora portugésa Joana Ruas (sesaun enserramentu nian); eskritór timoroan Luís Cardoso no professora Teresa Sousa de Almeida (sesaun enserramentu nian).
Kolókiu ida-ne’e loke odamatan ba sé maka dedika an, ba área diversa sira, hodi investiga no estuda dezenvolvimentu sira ohin loron nian iha prosesu ba produsaun koñesimentu nian husi Timor-Leste no nia relasaun sira ho kultura no sosiedade sira seluk.
Husi Austrália, Brazíl, Kanadá, EUA, Fransa, Olanda, Indonézia, Indonézia, Portugál, Reinu Unidu no Timor-Leste, investigadór sira besik na’in 120 aprezenta komunikasaun sira – iha lian portugés, inglés no tetum, agrupa iha painél dedikadu sira ho tema oioin relasionadu ho Timor-Leste: Edukasaun, Língua, Literatura, Ekonomia, Territóriu, Ambiente, Istória, Sosiolojia, kultura, Antropolojia, Polítika (https://2020.tlsa.pt/en/paineis/).
Aleinde husi painél sira, realiza mós lansamentu ba livru sira no espozisaun rua: Esposizaun Arte husi artista visual nian premiada Maria Madeira; Espozisaun Koletiva Fotografia nian husi partisipante sira kolókiu nian.